Наши святые врачи - страница 14
Житие и чудеса святых бессребреников и чудотворцев Космы и Дамиана // Димитрий Ростовский, свт. Жития святых: В 12 т. Т. 3. Месяц ноябрь. [Репринтное издание]. М.: Лествица, 2004.
Бессребреники // Православная энциклопедия. [Сайт]. URL: http://www.pravenc.ru/text/149067.htmlТроп а́ рь
глас 8
С вяти́и безсре́бреницы и чудотво́рцы, Космо́ и Дамиа́не, / посети́те не́мощи на́ша: / ту́не* прия́сте, ту́не дади́те нам.Канон [68] глас 6
Песнь 1
Ирм о́ с: Я́ко по су́ху, пешеше́ствовав Изра́иль по бе́здне стопа́ми, гони́теля фарао́на ви́дя потопля́ема, Бо́гу побе́дную песнь пои́м, вопия́ше.
Прип е́ в: Святи́и чудотво́рцы и безсре́бреницы Космо́ и Дамиа́не, моли́те Бо́га о нас.
О заря́еми сла́вою Боже́ственною, богосве́тлии безсре́бреницы, озари́те на́ша ду́ши, разоря́юще страстну́ю мглу, я́ко да вас ве́рою почита́ем.
Припев: Святии чудотворцы и безсребреницы Космо и Дамиане, молите Бога о нас.
Т летво́рных очи́щшеся пе́рвее страсте́й боле́зней преложе́нием*, очища́ете на́ша лю́тыя неду́ги, му́дрии, и боле́зни душе́вныя облегча́ете.
Припев: Святии чудотворцы и безсребреницы Космо и Дамиане, молите Бога о нас.
О т всех Влады́ки дар прия́сте, святи́и, чуде́с дарова́ния, на́ша исцели́ти мно́гия и неудобьисце́льныя пло́ти стра́сти, мо́лимся.
С ла́ва: Моле́ние, безсре́бреницы и вра́чеве, Бо́гу принеси́те, я́ко да изба́вит ны искуше́ний и скорбе́й мно́гих и тре́петнаго и стра́шнаго тогда́ муче́ния.
И ны́не: Зако́нов есте́ственных кроме́ ро́ждши, Чи́стая, Законода́теля Иису́са Изба́вителя, Его́же моли́ изба́вити ны, Богоро́дице, мно́гих беззако́ний на́ших.Песнь 3
Ирмос: Несть свят, я́коже ты, Го́споди, Бо́же мой, вознесы́й рог ве́рных Твои́х, Бла́же, и утверди́вый нас на ка́мени испове́дания Твоего́.
Припев: Святии чудотворцы и безсребреницы Космо и Дамиане, молите Бога о нас.
М ир пое́т ва́ша, святи́и, мно́гая благодея́ния и чуде́с мно́жества, чудотво́рцы и вра́чеве, А́нгел всех равностоя́тели.
Припев: Святии чудотворцы и безсребреницы Космо и Дамиане, молите Бога о нас.
В ас обои́х, светода́телей, мо́лим, звезд на высоте́ лежа́щих Це́ркве та́йно, Космо́ и Дамиа́не, сердца́ ве́рных озари́те.
Припев: Святии чудотворцы и безсребреницы Космо и Дамиане, молите Бога о нас.
К а́пли источа́юще при́сно*, святи́и, исцеле́ния, омы́йте всех душе́вную скве́рну и стра́стныя пло́ти то́ки вся уста́вите*.
С лава: Се совокупи́вшеся лю́дие, святи́и, отвсю́ду ва́ша воспе́ти вели́кия да́ры внутрь це́ркве ва́шея, но всех моле́ния испо́лните.
И ныне: Свята́я Влады́чице Чи́стая, Пресвято́е Сло́во воплоти́вшая сло́вом, безслове́сных мя страсте́й, пою́ща Тя благоче́стно боже́ственными словесы́, изба́ви, Пренепоро́чная.
Г о́споди, поми́луй. (Трижды.)Сед а́ лен
глас 8
О т исто́чника бе́здны, Иису́са, чуде́с струи́ благоле́пно поче́рпше, святи́и, та́йными ту́чами страсте́й мра́чныя о́блаки отгоня́ете и неду́гующим челове́ком исцеле́ния подае́те. Тем, получи́вше здра́вое весе́лие, ва́ми, пресла́внии, удивля́еми, зове́м: богоно́снии безсре́бреницы, моли́те Христа́ Бо́га согреше́ний оставле́ние дарова́ти пра́зднующим любо́вию святу́ю па́мять ва́шу.
С лава, и ныне: Я́ко Всенепоро́чная Неве́сто Творца́, я́ко Неискусому́жная Ма́ти Изба́вителя, прия́телище* я́ко су́щи Уте́шителя, Препе́тая, беззако́нию мя су́ща скве́рное оби́телище и бесо́м игра́лище в ра́зуме бы́вша, потщи́ся* от тех злоде́йства мя изба́вити и све́тлое жили́ще доброде́телей соверши́, Светоно́сная, Нетле́нная, отжени́ о́блак страсте́й, и вы́шняго прича́стия сподо́би, и Све́та невече́рняго моли́твами Твои́ми.Песнь 4
Ирмос: Христо́с моя́ си́ла, Бог и Госпо́дь, честна́я Це́рковь боголе́пно пое́т, взыва́ющи, от смы́сла чи́ста о Го́споде пра́зднующи.
Припев: Святии чудотворцы и безсребреницы Космо и Дамиане, молите Бога о нас.
Б оже́ственное ро́ждие* вои́стинну благопло́дно, ло́зы Боже́ственныя, та́йное вино́ иска́пающия, в весе́лии му́дрыя безсре́бреники ублажи́м.
Припев: Святии чудотворцы и безсребреницы Космо и Дамиане, молите Бога о нас.
О ру́жие яви́стеся, устреля́ющее враги́ неви́димыя, и́хже и нас стрел изба́вите, заступа́юще на́шу жизнь, му́дрии безсре́бреницы.