Различные записки и выписки - страница 6

Пророка Софонии. 3 Гл.

И оставлю в тебе люди кротки и смиренны, и будут благоговети о имени Господни. —Останцы Израилевы и не сотворят неправды, и не возглаголют суетных, и не обрящется во устех их язык льстив.

Пророка Захарии. Гл. 7.

Глаголет Господь Вседержитель: суд праведен судите, и милость и щедроты творите кийждо брату своему, —и злобы кийждо брата своего да не помнить в сердцах своих. Глаголите истину кийждо искреннему своему.

Истину и суд мирен судите во вратех ваших и клятвы лживыя не любите: зане вся сия возненавидех, глаголет Господь Вседержитель.

Пророка Малахии. Гл. 3.

И обратиться, и увидите между праведным и между беззаконными и между служащим Богови, и неслужащим ему. Яко се день грядет горящь, яко пещь, и попалить я: и будут вси иноплеменницы, и вси творящии беззаконная, яко стеблие: и возжжет я день Господень грядый, глаголет Господь Вседержитель, и не останется от них корень, ниже ветвь. И возсияет вам боящимся имене моего солнце правды, и исцеление в крилех его: и изыдете, и взыграете, яко тельцы от уз разрешени: и поперете беззаконники, и будут пепел под ногами вашим и, в день в оньже аз сотворю, глаголет Вседержитель. Гл. 4.

Пророка Исаии. Гл. 11.

И почиет на нем Дух Божий, дух премудрости и разума, дух совета и крепости, дух ведения и благочестия: исполнит его дух страха Божия.

Не по славе судити имать, ниже по глаголанию обличит: но судит правдою смиренному суд, и обличит правостию смиренныя земли: и поразит землю словом уст своихъ, и духом устен убиет нечестиваго: и будет препоясан правдою о чреслех своих, и истиною обвить по ребрам своим.

Се Бог мой, Спас мой, уповая буду на него и не убоюся: зане слава моя и похвала моя Господь, и бысть ми во спасение.

И покорю укоризну беззаконных, и укоризну гордых смирю.

Пусть бо Господень суд: уповахом на имя твое и память, ея же желает душа наша. От нощи утреннюет дух мой к тебе Боже; зане свет повеления твоя на земли. Преста бо нечестивый: всяк, иже не научится правде на земли, истины не сотворит: да возьмется нечестивый, да не видит славы Господни.

И рече беззаконник, и погибе гордый, и потребишася вси беззаконнующии в злобе, и творящии согрешати человеки в слове.

Горе чада отступившая, сия глаголет Господь: сотвористе совет не мною, и заветы не Духом моим, приложити грехи ко грехом. Тако глаголет Господь, Господь Святый Израилев: егда возвратився воздохнеши тогда спасешися, и уразумевши, где еси был: егда уповал еси на суетная; тщетна крепость ваша бысть, и не хотесте послушати.

И призва Господь, Господь Саваоф в той день плач и рыдание, и острижение, и препоясание во вретища: тии же сотвориша радость и веселие, закалающие тельцы, и жруще овцы, яко ясти мяса, и пити вино, глаголюще: да ямы и пием; утре бо умрем. И откровенна сия суть во ушию Господа Саваофа, яко не оставится вам той грех, дондеже умрете.

Хвалите Господа с небес, хвалите его в вышних! — Да поет Ему вся тварь песнь победную.

Победили диавольскую силу и поклонников ее невесты Христовы: Св. Мученица Агафия и Св. Мученица Феодула, —вооруженные верою и терпением, и одетые в любовь Христову, которую они явили на самом деле. Первая по всяком страдании отвечала мучителю: «здравие мое есть Христос; временные же мучения сокровиществуют мне вечное веселие, и радуюсь в них, как некто радуется о обретении великих сокровищ. И как невозможно пшеницу собрать в житницу, пока не будет очищена от плевел; так невозможно есть душе моей внити в рай, если не первее тело мое муками сокрушено будет». А когда, по принятии ужасных мучений, была брошена в темницу, тогда предстал ей в виде врача Св. Апостол Петр и изъявил свое желание уврачевать ее язвы. Св. Мученица сказала ему вот что: «я телу моему никогда не употребляла врачевания; то, думаю, и ныне не подобает разорять обычая доброго, от юности сохраненного». Старец же говорит ей: «и я христианин есть, и надеясь исцелить тебя, пришел к тебе: не стыдись же меня». Святая в ответ ему: «ты — муж, я же — девица; могу ли бесстыдно обнажить пред тобою тело мое? Изволяю более терпеть болезнь язв моих, нежели пред глазами мужского пола обнажиться. Благодарю тебя, честный Отец, что ради меня сюда пришел, желая целить мои язвы» —и стала вся здрава: святой же скрылся.