Lernikursa de Lidepla - страница 14
Yu mog pren sey kitaba si yu yao.
Si yu lekti sey kitaba, dan yu en-jan mucho kosa om animal. Me treba yo go a dom, bikos es tro tarde. GRAMATIKA
relati-partikla «ke»
Me jan ke yu bu hev sey kitaba.
Me dai a yu sey kitaba fo ke yu lekti it.
Krome ke yu mog lekti it, yu mog yoshi kan pikturas.
Me yao somni inplas ke me audi ela. Bat me mus audi duran ke ela rakonti. Me mus weiti til ke may amiga lai.
Kindas yao go somni kun ke yu rakonti fabula a li. Kindas yao somni sin ke yu klosi dwar.
Nu bu go aus por ke nu mus weiti lu hir.
Lu shwo mucho om ke lu es zuy riche jen.
taim-partikla wek-taim
Me he lekti sey kitaba yo. Me bu nidi it pyu. Me lekti-te sey kitaba. It es ya muy interes-ney.
He pluvi. Nau pluva yok.
Pluvi-te. Nau pluva yok. Pluvi-te. Haishi pluvi idyen.
lai-taim
Dai a me yur kitaba. Me ve lekti it. Me dumi ke ve pluvi.
GRAMATIKA
taim-partikla kombina
Ta shwo ke ve pluvi. Ta shwo-te ke ve pluvi. Ta ve shwo ke ve pluvi.
Ta shwo ke pluvi-te. Ta shwo-te ke pluvi-te. Ta ve shwo ke pluvi-te.
Zai pluvi. Zai pluvi-te. Ve zai pluvi.
Wen yu lai-te a dom ela zai kuki-te deyfan. Wen yu lai-te a dom ela he kuki-te deyfan. Wen yu ve lai a dom ela ve zai kuki deyfan.
Wen yu ve lai a dom ela ve he kuki deyfan.
Lingwa de Planeta lernikursa 12
rakonti-taim
Unves, mucho yar bak, ye un gela. Ela nami Rude Shapa-ki. Un dey mata voki ela, shwo: "Rude Shapa-ki, bi karim, go visiti yur oma".
Yeri me zai lekti kitaba. Turan may amiga lai. Lu krai: «Yu bu he audi ku? Manya nu hev gro-konserta! May brata es hir. Lu janmog gani gro- hao! Nu inviti yu. Yu lai ku?»
WORDA
inplas-kwel-worda
Oli kinda pri bonbon.
Kada kinda yao chi bonbon.
Sey kinda chi bonbon ol dey.
Hir eni kinda mog lekti e rasmi. Koy kinda pri lekti pyu kem rasmi. Otre kinda pri rasmi pyu kem lekti.
Nul kinda pri go somni.
GRAMATIKA
frasa kom kwo-yuan
Me jan ke yu he zwo mucho. Bat me bu pri se ke yu he zwo.
Me vidi ke lu shwo kun ela. Bat me bu mog audi to ke lu shwo.
frasa kom kwel-yuan
Boy ke yu vidi janmog gani muy hao. Yu vidi boy kel janmog gani muy hao. Ti yu vidi na boy janmog gani muy hao.
Meteo.
Sedey meteo es hao. Surya brili, badal yok. Me promeni in shulin. Sirkum ye mucho grin baum. Es garme.
Yeri meteo bin ga otre. Pluvi-te. Me bin mokre fon kapa til pedas, bikos me fogeti-te ambrela. Bin lenge.
Kwel meteo ve bi manya? Me bu jan, me mog sol gesi. Shayad pluva ve yok.
budefini-ney hu-inplas-kwo-worda
Oni shwo ke lu rasmi hao. Bat me bu pri luy pikturas.
Yu stan tro dalem.
Dar oni bu mog audi nul worda!
Lai pyu blisem!
returni-inplas-worda
Yu es ga gande. Go woshi swa!
Kada sabah me woshi swa. E may mursha yoshi razi swa.
Ob yu mog ordini oli sey kitaba selfa, sin ke oni helpi yu?
Nu samaji mutu.
GRAMATIKA
mah-kwo-yuan-partikla
Me pri sey kitaba. Ob me mog pren it?
Kwo yu yao pren?
Den sey kitaba me yao pren. Me yao pren sey kitaba.
Me dai-te sey kitaba a sista de may amiga. Me dai-te a sista de may amigaden sey kitaba.
tema de frasa
Sey kitaba, me begin-te lekti it. Es muy interes-ney. Yur kalam, wen yu fini rasmi, dai ba it a me.
inplas-kwo-worda
Walaa un klosi-ney boxa. Me yao ofni it. Me bu jan kwo es inen.
Bat me nadi ke dar ye koysa kel es muy jamile.
Me audi koy vos.
Dar ye koywan, baken dwar.
Me bu yao chi! Me bu yao chi nixa!
Me bu jan luy nam. Me bu koni nulwan hir.
Me pri olo ke yu kuki. Yu mog kuki enisa ke yu yao.
Me pri oli ke yu lerni tuhun. Yu mog inviti eniwan ke yu yao. Kadawan mog lai.
inplas-komo-worda
Pon yur bao a koylok.
Koytaim me dai-te a yu may kitaba. Me nidi it nau. Ob yu mog returni it a me?
Me bu remembi a wo me pon-te may kalam. It mog bi enilok.
Me shuki e me bu mog findi it nullok.
Hir yur kalam yok. Shuki ba otrelok.
Yu koni kamina a nuy dom. Yu mog lai enitaim ke yu yao.
Ta lekti oltaim. Suy kitabas ye kadalok.
Koyves me visiti may oma kel jivi ausen urba. Laste yar me he visiti ta plurives.
Ob yu es in dom?
Unves me lai a yu, yu bu es in dom. Yur molya shwo: «Lai ba otreves».
Me mus zwo to koykomo.
Yu mog zwo to kom yu yao. Yu mog zwo to enikomo.
Yur jawaba bu es prave! Yu bu he resolvi sey taska!
Me he resolvi...